Naxçıvanda ötən aydan etibarən işsizlikdən sığota vəsaiti ilk dəfə olaraq vətəndaşlara ödənməyə başlanılıb.
“Report” xəbər verir ki, bunu jurnalistlərə müsahibəsində Naxçıvan Muxtar Respublikası (NMR) Əmək və əhalinin sosial müdafiəsi naziri Ceyhun Cəlilov deyib.
O bildirib ki, 17 nəfərə artıq sığorta vəsaiti ödənilib:
“İş yerindən ixtisara düşən və qanunla müəyyən olunmuş digər hallarda işçiyə, işini itirmiş şəxsə sığorta verilməlidir. Naxçıvanda ilk dəfə artıq ötən aydan biz sığorta verdik. Qanun layihəsində maddələrdən biri də həmin sığorta vəsaitinin artırılması idi. Çünki az rəqəm nəzərdə tutulmuşdur. Növbəti ildən artıq bütün vətəndaşların, hər kəsin hüququ təmin olunacaq. Burada bir məsələ də var ki, insanlar bu hüquqları barədə bilmirlər. Maarifləndirmə nəticəsində onlar öz hüquqlarını biləcəklər, işini itirən şəxslər artıq işsizlikdən sığorta vəsaitini qanunun müəyyən etdiyi şərtlər çərçivəsində əldə edəcəklər”.
Xeberal.az
