Ukraynada müharibə davam edir.
Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.
O bildirib ki, Rusiya ordusu tərəfindən ötən gecə Nikolayev, Xerson vilayətləri kütləvi dron hücumlarına məruz qalıb. Rusiya ordusu qeyri-sabit hava şəraitindən istifadə edərək dron hücumlarını daha da gücləndirib.
Qeyd edilib ki, Donetsk vilayətində vəziyyət olduqca ağırdır. Xüsusilə Baxmut və Avdiyevka istiqamətində hər iki tərəf ağır itkilər verib:
“Buna baxmayaraq, Ukrayna ordusu Baxmut istiqamətində irəliləyiş əldə edib. Məlumata görə, bu fəaliyyət uğurla davam etsə, Ukrayna Rusiya ordusunun Baxmut istiqamətində olan hissələrini tamamilə mühasirəyə ala bilər”.
Həmçinin o da bildirilib ki, Kupyansk şəhəri demək olar ki, hər gün Rusiya ordusu tərəfindən ağır raket hücumlarına məruz qalır.
“Döyüşlər ərəfəsində azərbaycanlı Emil Əhmədov, 2 uşağı və həyat yoldaşı itkin düşüblər. 1 həftədir ki, azərbaycanlı ailədən xəbər yoxdur”, – deyə jurnalist əlavə edib.
Xeberal.az
