Türkiyəli müğənni Hadisə yayımlanan "Kızılcık Şerbeti" adlı seriala verilən cəzaya münasibət bildirib.
Lent.az xarici KİV-ə istinadən xəbər verir ki, ifaçı bu barədə öz sosial şəbəkə hesabında paylaşım edib.
O bildirib ki, seriala verilən cəzanın bir zamanlar onun "Sıfır Tolerans" klipinə də verilib:
"2018-ci ildə "Sıfır Tolerans" klipinə vurulan erotik möhürü və televiziyalarda yayımlanmasına icazə verilməməsi üçün qoyulan qadağadan sonra RTÜK qaydaları məni təəccübləndirmir. O vaxt da susmadım, indi də susmuram. "Kızılcık Şerbeti" serialına qoyulan qadağanı çox gərəksiz hesab edirəm. Qadına qarşı şiddəti serialları qadağan edərək dayandıra bilməyəcəyinizi anlamağınız diləyi ilə".
