Bu gün Azərbaycanda növbədənkənar prezident seçkisi keçirilir.
Oxu.Az xəbər verir ki, seçki prosesinin başladığı ilk dəqiqələrdən 122 saylı Xankəndi seçki dairəsinin 3 saylı məntəqəsində aktivlik müşahidə edilir.
Seçicilər öncə qeydiyyatdan keçir, sonra isə seçki bülletenlərini alaraq istədikləri namizədə səs verirlər.
Məntəqədə səsvermənin gedişini qeyri-hökumət təşkilatlarının, müxtəlif siyasi partiyaların və prezidentliyə namizədlərin nümayəndələri ilə yanaşı, xarici müşahidəçilər də izləyirlər.
Qeyd edək ki, bu seçki məntəqəsində 760 seçici qeydiyyata alınıb.
Azərbaycanda 125 seçki dairəsi üzrə 6 319 seçki məntəqəsi var. Xarici ölkələrdə olan vətəndaşların səsverməsi üçün 37 ölkədə 49 seçki məntəqəsi yaradılıb.
Rövşən Əsədov
Xeberal.az
