Siyasət

Rusiya XİN başçısının müavini: “Moskva “3+3” formatında fəal işi davam etdirmək əzmindədir”

Sharing is caring!


“Rusiya “3+3” formatında fəal işi davam etdirmək əzmindədir”.

Bunu Rusiya xarici işlər nazirinin müavini Mixail Qaluzin deyib.

O, regional formatları bölgənin problemlərinin həlli üçün ən yaxşı üsul hesab edir.

Gürcüstanın hələ bu formatda iştirak etmədiyini söyləyən diplomat rəsmi Tbilisinin birgə işləməyə hazır olduğu təqdirdə qapının hər zaman onlara açıq olduğunu vurğulayıb.

Qeyd edək ki, “3+3” formatı Rusiya, İran, Azərbaycan, Ermənistan, Türkiyə və Gürcüstanın iştirakını nəzərdə tutur.

Qrupun ilk iclası 2021-ci ilin dekabrında Moskvada beş ölkənin xarici işlər nazirlərinin müavinləri səviyyəsində keçirilib. Beş ölkənin nazirlərinin iştirakı ilə keçirilən digər görüş isə 2023-cü ilin oktyabrında İranda baş tutub. Növbəti görüş 2024-cü ildə Türkiyədə olacaq.

Mənbə: TASS

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir