İsrail erməni antisemitizmi problemini həll etməlidir
“İsrail HƏMAS-ın 7 oktyabr qırğını və ondan sonrakı müharibə ilə yanaşı, diplomatik arenada da ciddi problemlərlə üzləşir. Beliz və Boliviya yəhudi dövləti ilə diplomatik əlaqələri kəsib, ən azı səkkiz ölkə isə öz səfirlərini geri çağırıb. Fransa diplomatlarını geri çağırmağı dayandırsa da, prezident Emmanuel Makron BBC-yə İsrailin Qəzzada keçirdiyi hərbi əməliyyatın “qanuni” olduğunu və Parisin israilliləri dayandırmağa çağırdığını bildirərək israilliləri kəskin tənqid edib.”.
Bu barədə “Jewish News Syndicate” saytında Pol Millerin Ermənistandakı antisemitizmlə bağlı məqaləsində bildirilib.
Müəllif Ermənistan Baş Qərargah rəisinin keçmiş müşaviri Vladimir Poqosyanın zorakı antisemit və HƏMAS tərəfdarı bəyanatlarından ibarət videosundan da danışıb:
“O, heç vaxt Holokostu tanımadığını söylədi və “yəhudiləri Yer üzündə yaşamağa haqqı olmayan dağıdıcı xalq” adlandırdı. Poqosyanın sözlərinə görə, İsrailin bəxti gətirib ki, o, yəhudiləri məhv etmək istəyən terrorçu qruplara şəxsən kömək etməyib. “Əgər mən “Hizbullah” və ya HƏMAS üçün çalışsaydım, oktyabrın 7-də minlərlə insan yox, yüz minlərlə insan həlak olardı. Mən yəhudilərin məhv edilməsini son dərəcə ədalətli hərəkət hesab edirəm”.
Məqalədə Poqosyanın yəhudilərin məhv edilməsi ilə bağlı açıqlamalarının heç də təsadüfi olmadığı vurğulanıb.
“Noyabrın 15-də Ermənistanda yeganə sinaqoq “Ermənistanın Azadlığı Naminə Erməni Gizli Ordusu” (ASALA) terror qruplaşması tərəfindən yandırılıb. Bu, ASALA-nın son iki ayda İrəvandakı “Mordexaya Navi” sinaqoquna ikinci hücumu idi. Birincisi oktyabrın 3-də, İsraildəki qırğından bir neçə gün əvvəl baş verib.
Poqosyanın antisemit bəyanatları və terror aktları heç kimi təəccübləndirməməlidir. Onlar erməni cəmiyyətində dərin kök salmış antisemitizm meyllərinin bir hissəsidir. Ermənistan İrəvanda nasist əlaltısı Qaregin Njdenin şərəfinə abidə ucaldıb, Gümrüdə və ölkənin daha 20 şəhərində onun heykəlini ucaldıb. Antidiffamasiya Liqasının məlumatına görə, ermənilərin təxminən 58%-i antisemitizm stereotiplərinə inanır. Bu rəqəm İsrail əleyhinə rejimin hakimiyyəti altında olan iranlılarınkından (56%) da çoxdur”, – deyə məqalədə vurğulanıb.
Pol Miller əsas kütləvi informasiya vasitələrinin erməni antisemitizminə kifayət qədər diqqət yetirmədiyini, elə israilli siyasətçilərin də nadir hallarda bu mövzuda çıxış etdiklərini qeyd edib.
“İstisna 2021-ci ilin yanvarında oldu – Həmin vaxt Diaspor İşləri Nazirliyinin hesabatında 2020-ci ildə Azərbaycan və Ermənistan arasında altıhəftəlik müharibənin İrəvanda Təl-Əvivlə Bakı arasında siyasi əməkdaşlığın, həmçinin ticarətin tənqidi fonunda antisemitizmin həyəcanverici dərəcədə artmağına səbəb olduğu qeyd edilmişdi”.
Nəşrdə vurğulanıb ki, Poqosyanın son açıqlamalarından və ASALA-nın hərəkətlərindən sonra İsrail liderləri erməni antisemitizmini bir daha rəsmən tanımaq vaxtı olduğu barədə düşünməlidirlər.
Məqalə müəllifinin sözlərinə görə, zəhərli antisemit ritorika təkcə Poqosyan kimi keçmiş məmurlardan deyil, həm də Ermənistan rəhbərliyini təmsil edən yüksək vəzifəli şəxslərdən gəlir.
“İyulda Ermənistanın baş naziri Nikol Paşinyan Azərbaycanın Qarabağ bölgəsini azad etməsini təsvir edərkən Holokostla bənzətmə aparıb. Avropalı ravvinlər Ermənistan baş nazirinin erməni liderlərinə ünvanladığı məktubda yalançı bənzətməni pisləsələr də, İsrail və Amerika yəhudi icması buna bənzər qınaqla çıxış etməyiblər.
İsrail digər ölkələrin diplomatik zərbələrinə tab gətirdiyi üçün yəhudi dövləti və onun müttəfiqləri erməni antisemitizminə qarşı çıxış etməyə borcludurlar. Bu şərə məhəl qoymamaq onu daha da pisləşdirəcək. İsrailin beynəlxalq ictimaiyyətin dəstəyinə həmişəkindən daha çox ehtiyacı var”, – deyə Pol Miller yazıb.
Xeberal.az
