“Fövqəladə hadisələr zamanı birlik çox önəmlidir. Türk dövlətlərinin birgə əməkdaşlığı vacib addımdır”.
Oxu.Az-ın məlumatına görə, bunu Türk Dövlətləri Təşkilatının baş katibi Kubanıçbek Ömüraliyev TDT-yə üzv və müşahidəçi ölkələrin fövqəladə halların idarə edilməsi üzrə nazirlərinin ikinci iclasında bildirib.
Onun sözlərinə görə, təbii fəlakət və fövqəladə halların idarəedilməsi ilə bağlı ümumi birliklə bağlı işlər görülür:
“İndiyə qədər işçi qrupların altı iclası keçirilib. Hazırda məqsəd təşkilata üzv ölkələrin fövqəladə halların idarə edilməsi üzrə cavabdeh qurumları arasında mövcud əlaqələrin inkişaf etdirilməsi, fövqəladə hallar zamanı birgə və koordinasiyalı fəaliyyətin təşkilinə nail olunması məsələlərinin müzakirəsi və təşkilat çərçivəsində mülki müdafiə mexanizminin yaradılması haqqında saziş layihəsinin müzakirəsidir”.
İlhamə Əbülfət
Xeberal.az
