Fransa hakimiyyətinin Korsika adasında yürütdüyü fransızlaşdırma siyasəti və Korsika dilini qadağan etməsi ilə bağlı ada sakinləri arasında sorğu keçirilib.
Korsikalılar “Baku TV”yə bildiriblər ki, adanın müstəqilliyə nail olması yerli əhalinin maraqlarına cavab verir.
“Mən Korsika dilinin qorunub saxlanılmasının tərəfdarıyam. Dilimizin, mədəniyyətimizin, ənənələrimizin qorunması bizim üçün çox vacibdir. Korsika dilinin qadağan olunması rəsmi Parisin səhvidir. Çünki bu dil adada rəsmi dil statusu alıb. Səsimizin bütün dünyada eşidilməsini istəyirik. Biz ana dilimizdə rahat danışmaq istəyirik”, – deyə sakinlərdən biri qeyd edib.
Xatırladaq ki, Fransa hökumətinin adada Korsika dilini qadağan etməsi böyük etirazlara səbəb olub.
Xeberal.az
