Azərbaycan Qarabağ bölgəsində müvəqqəti yerləşdirilmiş Rusiya sülhməramlı kontingentinin komandanı general Andrey Volkov artıq 17 gündür ki, azərbaycanlı ekofəalların tələblərinə baxmayaraq onların qarşısına çıxmır.
Oxu.Az xəbər verir ki, məsələ erməni separatçılarına gələndə isə general xüsusi “həssaslıq” nümayiş etdirib. Erməni separatçıların iki-üç gün ərzində Xankəndidə saldığı səs-küyə laqeyd qala bilməyən Andrey Volkov bu dəqiqələrdə onların “hüzur”una gedərək danışıqlara başlayıb.
Belə olan halda isə haqlı olaraq sual yaranır ki, necə ola bilər, Volkov azərbaycanlı fəalların qarşısına çıxmaq istəmir, ancaq dərhal erməni separatçılarla eyni masa arxasında əyləşməyə can atır?
Rusiyalı general bu addımı ilə növbəti dəfə öz fəaliyyətinə kölgə salıb, sülhməramlıların komandanı kimi öz missiyasının tərəfsizliyini şübhə altında qoyub.
Xeberal.az
