Bu ilin yanvar-iyul aylarında İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu 41 yeni dövlət standartı qəbul edib.
Bunu Dövlət Xidmətinin sədri Məmməd Abbasbəyli özünün “X” sosial şəbəkəsindəki hesabında bildirib.
Onun sözlərinə görə, bu, ötən ilin eyni dövrü ilə müqayisədə 51,9% çoxdur.
Yeddi ay ərzində qəbul edilmiş standartların 34,1%-i və yaxud 14-ü aqrar və qida sahəsi üzrə, 5-i ekologiya sahəsi üzrə, 3-ü kosmetika sahəsi üzrə, biri elektronika, informasiya texnologiyaları və telekommunikasiya sahələri üzrə, 3-ü neft və kimya sahələri üzrə, 3-ü ağır sənaye və maşınqayırma sahələri üzrə, 4-ü tikinti materialları üzrə, 3-ü qiymətli metallar və qiymətli daşlar üzrə, biri idarəetmə sistemləri sahəsi üzrə, 2-si tibb sahəsi üzrə, 2-si isə təşkilati və metodoloji sahəsi üzrə qəbul edilib.
Antiinhisar və İstehlak Bazarına Nəzarət Dövlət Xidmətinin (@antiinhisar) tabeliyində Azərbaycan Standartlaşdırma İnstitutu (@azstandart) tərəfindən bu ilin yanvar-iyul ayları ərzində 41 yeni #dövlətstandartı qəbul edilib. Qəbul edilmiş standartların sayı ötən ilin analoji dövrü… pic.twitter.com/QHblE3oHEt
— Mammad A. Abbasbeyli (@MammadAbbasbey1) September 15, 2023
Xeberal.az
