Azərbaycan Mərkəzi Bankı (AMB) ilə Avropa Yenidənqurma və İnkişaf Bankı (EBRD) arasında, qurumun 2023-2027-ci illər üçün Azərbaycanın maliyyə sektoru üzrə strategiyasının həyata keçirilməsi üzrə əməkdaşlıq imkanları müzakirə edilib.
Bunu AMB-nin sədri Taleh Kazımov “Twitter” hesabında bildirib.
“EBRD-nin Şərqi Avropa və Qafqaz regionu üzrə icraçı direktoru Matteo Patronenin rəhbərlik etdiyi nümayəndə heyəti ilə görüş keçirdik. Görüşdə EBRD-nin Qafqaz üzrə yeni regional direktoru təyin olunmuş Alkis Vrienios Drakinos və Azərbaycan üzrə Ofisinin rəhbəri Nataly Muravidze təqdim edildi, EBRD-nin Azərbaycandakı fəaliyyəti, o cümlədən bank sektorunda iştirakı, 2023-2027-ci illər üçün Azərbaycanın maliyyə sektoru üzrə strategiyasının həyata keçirilməsində əməkdaşlıq imkanları barədə fikir mübadiləsi apardıq. Eyni zamanda əməkdaşlığımızın cari vəziyyətini və perspektivlərini müzakirə etdik”, – deyə o qeyd edib.
Bu gün Mərkəzi Bankda Avropa Yenidənqurma və İnkişaf Bankının (@EBRD) Şərqi Avropa və Qafqaz regionu üzrə icraçı direktoru Matteo Patronenin (@MatteoPatrone3) rəhbərlik etdiyi nümayəndə heyəti ilə görüşdük.
Görüş zamanı #AYİB-in Qafqaz üzrə yeni regional direktoru təyin olunmuş… pic.twitter.com/TM5cxIxeWo— Taleh Kazimov (@TalehKazimov_T) July 4, 2023
Xeberal.az