İqtisadiyyat və Biznes Araşdırmaları Mərkəzinin (CEBR) analitikləri hesab edirlər ki, inflyasiyanın yüksəldiyi ölkələrin Mərkəzi banklarının tədbirləri səbəbindən gələn il dünya iqtisadiyyatının tənəzzülə uğraması ehtimalı var.
“Yəqin ki, qlobal iqtisadiyyat daha yüksək inflyasiyaya cavab olaraq yüksək faiz dərəcələri nəticəsində gələn il tənəzzüllə üzləşəcək. İqtisadi xərclərə baxmayaraq, Mərkəzi bankların 2023-cü ildə də eyni təcrübələrə sadiq qalacağını gözləyirik. İnflyasiyanın daha aşağı səviyyələrə endirilməsinin dəyəri növbəti bir neçə il ərzində iqtisadi artım perspektivlərinin pisləşməsidir”, – deyə hesabatda bildirilir.
Qeyd edək ki, daha əvvəl Beynəlxalq Valyuta Fondu qlobal iqtisadiyyatın 2023-cü ildə tənəzzül ehtimalının təxminən 25% olduğunu və qlobal iqtisadiyyatın təxminən üçdə birində tənəzzülün müşahidə ediləcəyini proqnozlaşdırmışdı.
Mənbə: kommersant.ru
Xeberal.az
