Azərbaycan Dövlət Neft Şirkəti (SOCAR) və Gürcüstan Neft və Qaz Korporasiyası (GOGC) arasında qazın nəqli, saxlama infrastrukturunun genişləndirilməsi və digər istiqamətlərdə əməkdaşlıq perspektivləri müzakirə edilib.
SOCAR-ın məlumata görə, bu barədə SOCAR prezidenti Rövşən Nəcəfin bu gün GOGC-un baş direktoru Corci Çikovani ilə keçirdiyi görüşdə bildirilib.
Görüşdə Azərbaycan ilə Gürcüstan arasında strateji tərəfdaşlıq əlaqələrinin iqtisadiyyatın bütün sahələrində, o cümlədən enerji sektorunda uğurla inkişaf etdiyi vurğulanıb, birgə həyata keçirilən irimiqyaslı enerji və nəqliyyat layihələrinin əhəmiyyətindən bəhs edilib.
Görüş çərçivəsində Gürcüstanın ən böyük investorlarından olan SOCAR-ın bu ölkədəki çoxşaxəli fəaliyyətindən danışılıb, bu istiqamətdə neft və neft-kimya məhsullarının ticarəti, nəqli, habelə təbii qazın təchizatı və paylanması kimi əməliyyatların uğurla icra edildiyi bildirilib.
Həmçinin, tərəflər arasında qarşılıqlı maraq doğuran müxtəlif mövzular ətrafında fikir mübadiləsi aparılıb.
Xeberal.az
