“Qarabağ” Azərbaycan çempionatında 200-cü dəfə heç-heçə edib.
Oxu.Az xəbər verir ki, bu, Premyer Liqanın XXVI turunda baş verib. Qurban Qurbanovun yetirmələri ev matçında “Zirə” ilə qolsuz heç-heçəyə imza atıblar – 0:0.
200-cü sülh ölkə çempionatındakı 850-ci qarşılaşmaya təsadüf edib. Ağdam klubu evdə 82, səfərdə 113, neytral meydanda beş dəfə heç-heçə ilə kifayətlənib.
Qeyd edək ki, “Qarabağ” daha çox “Neftçi” ilə heç-heçə oynayıb – 30 dəfə. “Şamaxı” (keçmiş “İnter” və “Keşlə”) ilə görüşlərdə 24 bərabərlik gerçəkləşib.
Xeberal.az
