Almaniyanın paytaxtı Berlində davam edən cüdo üzrə Avropa Kuboku turnirinin ikinci günündə Azərbaycanın dörd idmançısı mübarizəyə qoşulacaq.
Bu barədə Azərbaycan Cüdo Federasiyasının Mətbuat Xidmətindən Oxu.Az-a məlumat verilib.
Bildirilib ki, bu gün başa çatacaq birincilikdə oğlanlar arasında 73 kq çəki dərəcəsində Cəsur İbadlı, 81 kq-da Mehdi Abbasov və Əli Qazıməmmədov, +90 kq çəki dərəcəsində isə Sübhan Axundov qalib adı uğrunda yarışacaqlar.
Qeyd edək ki, yarışın ilk günü idmançılarımız üç qızıl, iki gümüş və iki bürünc medal qazanıblar.
Xeberal.az
