Bu axşam AVRO-2024-ün seçmə mərhələsinin VIII turuna yekun vurulacaq.
Oxu.Az xəbər verir ki, turun son oyun günündə üç qrupda keçirilməli olan yeddi qarşılaşmadan biri artıq başa çatıb.
H qrupunda bu oyunadək xalları bərabər (12) olan iki komanda – Finlandiya və Qazaxıstan milliləri üz-üzə gəlib.
Qarşılaşmada hesabı açan tərəf ev sahibləri olsalar da, qonaqlar geridönüş etməyi və səfərdə vacib 3 xalı qazanmağı bacarıblar – 1:2.
Bu nəticədən sonra Qazaxıstan yığması 15 xalla 3-cü, Finlandiya seçməsi isə 12 xalla 4-cü yerdə qərarlaşıb. Qrupa isə hərəsi 16 xala malik Sloveniya və Danimarka komandaları başçılıq edirlər.
Xeberal.az