“Rəqib çox təcrübəli idi”.
“Report” xəbər verir ki, bunu “Kür”ün həndbolçusu Aytən Eminova İtaliyanın “Jomi Salerno” klubuna 19:36 hesabı ilə uduzduqları Avropa Kubokunun 1/32 final mərhələsinin cavab matçından sonra jurnalistlərə açıqlamasında deyib.
Oyunçu komandalarının yeni yarandığını xatırladıb:
“Bu, bizim ilk oyunlarımız idi. Yeni toplaşmağımız və bir-birimizə tam uyğunlaşmamağımız məğlubiyyətə gətirib çıxardı. Rəqib həndbolçular neçə ildir birlikdə oynayırlar. Bir-birilərini daha yaxşı başa düşürlər”.
Eminova Azərbaycan çempionatına hazırlaşacaqlarını diqqətə çatdırıb:
“Noyabrda yarış start götürəcək. Daha yaxşı nəticələr qazanacağımıza ümid edirəm”.
Xeberal.az
