Bu gün Avropanın yaşıl meydanlarında bir sıra maraqlı futbol oyunları keçiriləcək.
Oxu.Az xəbər verir ki, İngiltərə Premyer Liqasında son üç oyunu qələbə ilə başa vuran “Liverpul” öz meydanında “Vulverhempton”u sınağa çəkəcək. Qarşılaşma saat 15:30-da (bütün oyunların saatı Bakı vaxtı ilə göstərilib – red.) başlayacaq. Saat 18:00-da daha üç maraqlı matç start götürəcək. Lider “Mançester Siti” mövsümə uğurlu başlanğıc edən “Vest Hem”in qonağı olacaq. “Tottenhem” “Şeffild Yunayted”i qəbul edəcəksə, “Mançester Yunayted” “Brayton” qarşısında şans axtaracaq. Saat 20:30-da isə “Nyukasl” və “Brentford” üz-üzə gələcəklər.
Almaniya Bundesliqasında doqquzuncu pillədə qərarlaşan “Borussiya Dortmund” səkkizinci yerdə olan “Frayburq”un qonağı olacaq. Görüş saat 17:30-da başlayacaq.
İtaliya A Seriyasında üçüncü pillədə yer alan “Yuventus” üç turda eyni sayda xal toplamış “Latsio”nu qəbul edəcək. Oyunun start fiti saat 17:00-da səslənəcək. Üç saat sonra Milan derbisi baş tutacaq. Bu mövsüm maksimum – doqquz xal toplayan və ilk iki pilləni bölüşdürən şəhərin eyniadlı komandası və “İnter” “Cüzeppe Meatsa”da münasibətlərinə aydınlıq gətirəcəklər. Saat 22:45-də isə son çempion “Napoli” “Cenoa”nın qonağı olacaq.
İspaniya La Liqasında günün ilk maraq doğuran qarşılaşması “Atletiko Madrid” və “Valensiya” arasında ikincilərin meydanında baş tutacaq. Görüşün start fiti saat 18:15-də səslənəcək. 23:00-da isə son çempion “Barselona” meydana çıxacaq. Üç matçda yeddi xal toplayan Kataloniya klubu “Betis”i sınağa çəkəcək.
Türkiyə Super Liqasında Azərbaycan millisinin üzvü Şahruddin Məhəmmədəliyevin yenicə transfer olunduğu “Adana Demisrpor” saat 21:00-da başlayacaq ev oyununda “Pendikspor”un müqavimətini qırmağa çalışacaq. Son çempion “Qalatasaray” isə “Samsunspor”u sınağa çəkəcək. Qarşılaşmanın start fiti saat 22:45-də səslənəcək.
Avropada günün maraqlı futbol oyunları
16 sentyabr
İngiltərə Premyer Liqası
15:30. “Vulverhempton” – “Liverpul”
18:00. “Mançester Yunayted” – “Brayton”
18:00. “Tottenhem” (London) – “Şeffild Yunayted”
18:00. “Vest Hem” (London) – “Mançester Siti”
20:30. “Nyukasl” – “Brentford”
Almaniya Bundesliqası
17:30. “Frayburq” – “Borussiya Dortmund”
İtaliya A Seriyası
17:00. “Yuventus” (Turin) – “Latsio” (Roma)
20:00. “İnter” (Milan) – “Milan”
22:45. “Cenoa” (Genuya) – “Napoli” (Neapol)
İspaniya La Liqası
18:15. “Valensiya” – “Atletiko Madrid”
23:00. “Barselona” – “Betis” (Sevilya)
Türkiyə Super Liqası
21:00. “Adana Demirspor” – “Pendikspor”
21:00. “Qalatasaray” (İstanbul) – “Samsunspor”
Faiq Tahirov
Xeberal.az
