AFFA-nın təşkilatçılığı ilə Hakimlər Komitəsi idman jurnalistləri üçün seminar keçirib.
Oxu.Az xəbər verir ki, Bakı Olimpiya Stadionunda təşkil olunan seminarda komitə sədri Barış Şimşek və köməkçi hakim təlimatçısı Tarık Onqum tərəfindən oyun qaydalarına edilmiş dəyişikliklər barədə məlumat verilib, ən son yeniliklər media nümayəndələrinin diqqətinə çatdırılıb.
İdman jurnalistləri VAR otağında AFFA VAR Mərkəzinin iş rejimi ilə yaxından tanış olmaq imkanı əldə ediblər. Seminar çərçivəsində media nümayəndələrini maraqlandıran suallar ətraflı şəkildə cavablandırılıb.
Xeberal.az
