“Qarabağ”dan Türkiyənin “Adana Demirspor” klubuna keçən Şahruddin Məhəmmədəliyev Ağdam klubunun baş məşqçisi Qurban Qurbanova təşəkkür edib.
Azərbaycan millisinin qolkiperi bununla bağlı sosial şəbəkə hesabında paylaşım edib:
“Mənə qarşı xoş münasibətiniz və əvəzsiz əməyinizi ifadə etməyə söz tapa bilmirəm. Hər şey üçün çox sağ olun, Hoca. Allah sizdən razı olsun”, – deyə Ş.Məhəmmədəliyev “Instagram”da yazıb.
Qeyd edək ki, təcrübəli qapıçı Türkiyə klubu ilə ikiillik müqavilə imzalayıb.
Xeberal.az