Bu gün Avropanın yaşıl meydanlarında bir sıra maraqlı futbol qarşılaşmaları baş tutacaq.
Oxu.Az xəbər verir ki, İngiltərə Premyer Liqasında “Bernli” – “Tottenhem”, “Çelsi” – “Nottingem Forest” və “Mançester Siti” – “Fulhem” matçları eyni saatda – 18:00-da (bütün oyunların saatı Bakı vaxtı ilə qeyd olunub – red.) başlayacaq. Saat 20:30-da daha bir maraqlı görüş baş tutacaq. “Brayton” “Nyukasl”ı qəbul edəcək.
Fransa Liqa 1-də mövsümə uğurlu başlayan “Monako” öz meydanında “Lill”in müqavimətini qırmağa çalışacaq. Matçın start fiti saat 23:00-da səslənəcək.
Almaniya Bundesliqasında iki oyuna maksimum xal toplayan “Bavariya” Münhenqladbax “Borussiya”sının qonağı olacaq. Oyun 20:30-da başlayacaq.
İtaliya A Seriyasında son çempion “Napoli” mövsümə uğursuz başlayan, hər iki görüşdə məğlub olan “Latsio”nu sınağa çəkəcək. Matç 22:45-də başlayacaq.
İspaniya La Liqasında “Real Madrid” paytaxtın digər təmsilçisi “Xetafe” ilə üz-üzə gələcək. Oyun saat 18:15-də başlayacaq.
Türkiyə Super Liqasında son çempion “Qalatasaray” saat 22:45-də “Qaziantep”in qonağı olacaq.
2 sentyabr
İngiltərə Premyer Liqası
18:00. “Bernli” – “Tottenhem”
18:00. “Çelsi” – “Nottingem Forest”
18:00. “Mançester Siti” – “Fulhem”
20:30. “Brayton” – “Nyukasl”
Fransa Liqa 1
23:00. “Monako” – “Lans”
Almaniya Bundesliqası
20:30. “Borussiya” (Münhenqladbax) – “Bavariya”
İtaliya A Seriyası
22:45. “Napoli” – “Latsio”
İspaniya La Liqası
18:15. “Real Madrid” – “Xetafe”
Türkiyə Super Liqası
22:45. “Qaziantep” – “Qalatasaray”
Faiq Tahirov
Xeberal.az
