Çexiyada təşkil olunmuş 3×3 basketbol üzrə Dünya Qadın Seriyasının Praqa mərhələsi davam edir.
Oxu.Az xəbər verir ki, qrupa düşmək uğrunda mübarizə aparan Azərbaycan millisi ilk görüşündə 9:20 hesabı ilə Çili yığmasına, ikinci oyununda isə 13:21 hesabı ilə İsveçrə millisinə məğlub olaraq mübarizəni təsnifat mərhələsindəcə dayandırıb.
C qrupunda qərarlaşmış təmsilçimiz “Neftçi” isə ilk görüşündə Latviya millisinə 16:14 hesabı ilə qalib gəlib. “Ağ-qaralar” qrupdakı növbəti oyununu Litva seçməsinə qarşı keçirəcək.
Qeyd edək ki, qruplarda ilk iki yeri tutmuş komandalar 1/4 finala vəsiqə qazanacaqlar.
Xeberal.az
