“Neftçi” UEFA Konfrans Liqasında Bosniya və Herseqovinanın “Jelezniçar” klubu ilə keçiriləcək cavab oyunu ərəfəsində maraqlı videoçarx paylaşıb.
Videoçarx “Neftçi TV” vasitəsilə yayımlanıb. Videoda “ağ-qaralar”ın dəyərləri və hədəflərinin dəyişməz olaraq qaldığı qeyd olunub.
Qeyd edək ki, “Neftçi” – “Jelezniçar” matçı 8-ci km stadionunda, saat 21:00-da başlayacaq. Bu komandalar arasında Sarayevoda baş tutan ilk qarşılaşmada 2:2 hesabı qeydə alınıb.
“Neftçi” Azərbaycan Premyer Liqasının yeni mövsümündə ilk oyununu avqustun 6-da səfərdə “Kəpəz”lə keçirəcək.
Xeberal.az
