Türkiyə “Fənərbağça”sı UEFA Konfrans Liqasında mübarizəyə başlayıb.
“Report”un məlumatına görə, İstanbul təmsilçisi II təsnifat mərhələsinin ilk oyununda Moldova “Zimbru”sunu qəbul edib.
“Ülker” stadionunda keçirilən qarşılaşma meydan sahiblərinin 5:0 hesablı darmadağını ilə başa çatıb.
İlk qolu 11-ci dəqiqədə Ferdi Kadıoğlu vurub. Cəmi üç dəqiqə sonra Rayan Kent ikinci topu rəqibin qapısından keçirib. 61-ci dəqiqədə Edin Dzeko qonaqları üçüncü dəfə meydanın mərkəzinə dəvət edib. 63-cü dəqiqədə Sebastian Şimanski fərqi bir az da artırıb. 88-ci dəqiqədə isə Coşua Kinq yekun hesabı müəyyənləşdirib.
Qeyd edək ki, komandalar arasında cavab matçı avqustun birində keçiriləcək.
Xeberal.az
