“Sumqayıt” Avropa Klublar Birliyinə (ECA) üzv seçilib.
Klubdan verilən məlumata görə, bu barədə ECA-dan müraciət daxil olub.
Bildirilib ki, klub ECA-nın 2023-2027-ci il üçün Assosiativ üzvlüyünə qəbul olunub. Həmçinin, “Sumqayıt” qurumun sentyabrda baş tutacaq Baş Assambleyasına dəvət olunacaq.
Azərbaycan klublarından “Neftçi”, “Qarabağ” və “Qəbələ” də hazırda qurumun üzvləridir.
Qeyd edək ki, 2008-ci ildə fəaliyyətə başlayan ECA UEFA və FIFA tərəfindən tanınan yeganə klublar birliyi platformasıdır. Hazırda ECA-nın 330 üzvü var ki, həmin klublar UEFA-nın 55 futbol assosiasiyasının təmsilçiləridir.
Xeberal.az
