Növbəti mövsümə hazırlığı davam etdirən “Sabah” daha bir yoxlama oyunu keçirib.
Oxu.Az xəbər verir ki, paytaxt təmsilçisi Almaniyanın 2-ci Bundesliqasında çıxış edən “Sankt-Pauli” ilə üz-üzə gəlib.
İtaliyanın San Martino in Passiriya qəsəbəsində, AFC idman kompleksinin stadionunda baş tutan görüş rəqibin böyük hesablı qələbəsi ilə başa çatıb – 4:1. Azərbaycan klubunun qolunu 57-ci dəqiqədə Coy Lens Mikels vurub.
Qeyd edək ki, “Sabah” ilk matçında Qətərin “Əs-Sədd” klubunu 3:1 hesabı ilə üstələyib.
Xeberal.az