“Səbail”də müdafiəçilərdən biri ilə yollarını ayırıb.
Oxu.Az xəbər verir ki, paytaxt təmsilçisi Turan Manafovla vidalaşıb.
24 yaşlı futbolçunun yeni klubu da bəllidir. O, karyerasını Premyer Liqaya yüksələn “Araz Naxçıvan”da davam etdirəcək. Tərəflər bir illik müqaviləni razılaşdırıblar.
“Neftçi”nin yetirməsi olan T.Manafov karyerası ərzində “Səbail”dən öncə “Qarabağ” və “Sumqayıt”ın U-19 komandalarında, “Zaqatala”da və Yunanıstanın “Olimpiakos” (Volos) klubunda çıxış edib. O, Azərbaycan U-21 millisinin də formasını geyinib.
Faiq Tahirov
Xeberal.az
