Avstraliya hökuməti iyulun 6-dan etibarən koronavirus infeksiyasına qarşı peyvənd olunmamış əcnəbilərin ölkəyə giriş qadağasını ləğv edəcək.
Bu barədə ölkənin səhiyyə naziri Mark Batler məlumat verib.
Bildirilib ki, yenilik iyulun 6-da saat 12:00-dan qüvvəyə minəcək. Eyni zamanda səyahət edənlərdən bütün aviaşirkət və nəqliyyat operatorlarının tələblərinə, həmçinin Avstraliya ştatlarında və ərazilərində tətbiq olunan məhdudiyyətlərə riayət etmələri istəniləcək.
Bundan əlavə, Avstraliyaya gələn bütün beynəlxalq reyslərdə və ştatın şəhərləri arasında uçuşlar zamanı maska rejimi saxlanılır.
Ümumilikdə pandemiyanın başlanğıcından bəri Avstraliyada 8,2 milyondan çox COVID-19-a yoluxma hadisəsi qeydə alınıb.
Mənbə: TASS
Xeberal.az
