Ermənistanın “Flyone Armenia” aviaşirkəti Türkiyənin öz hava məkanını uçuşlar üçün açmaqdan imtina etməsi səbəbindən iyulun 21-dək Beyruta uçuşları təxirə salıb.
Bu barədə şirkətdən bildirilib.
“Türkiyə aviasiya orqanları “Flyone Armenia”ya Türkiyə hava məkanı üzərindən Livana uçuşlar həyata keçirmək imkanı verməyib. Mövcud vəziyyətlə əlaqədar aviaşirkət iyulun 21-dək İrəvan-Beyrut-İrəvan marşrutu üzrə uçuşları təxirə salmağa məcburdur”, – deyə məlumatda bildirilir.
Şirkət qeyd edib ki, İrəvan-İstanbul-İrəvan, İrəvan-Paris-İrəvan və İrəvan-Lion-İrəvan reysləri qrafikə uyğun həyata keçirilir.
Şirkət Beyruta uçuşların bərpası ilə bağlı əlavə məlumat verəcəyini vəd edib. Sərnişinlərə uçuşların vaxtını dəyişdirmələri və ya biletin qiymətini geri almaları təklif olunur.
Mənbə: Sputnik Armeniya
Xeberal.az
