Nüvə müharibəsi olarsa, planetdə nələr baş verəcək?
Bu barədə “Insayder.ua” “Telegram” kanalında video paylaşılıb.
Videoda Rusiya və ABŞ arasında nüvə müharibəsi baş verərsə, planetdə yaşanacaq fəlakətin ard-arda mərhələlərlə görüntüsü canlandırılıb.
“ABŞ və Rusiya arasında tammiqyaslı nüvə müharibəsi başlayarsa, münaqişə tərəflərindən biri nüvə raketlərini buraxarsa və digər tərəf də raketlər hədəfi vurmağa macal tapmamış cavab zərbəsi endirərsə, nə baş verəcək?
ABŞ sualtı gəmisi Norveçin qərb hissəsindən ballistik raketlər buraxacaq. Raketlə 10 dəqiqə ərzində Rusiyaya çatacaq. Rusiya raketləri isə Kanadanın şimalından bir neçə dəqiqə ərzində ABŞ-ni vuracaq…” – deyə materialda bildirilib.
Daha sonra bu zərbələr nəticəsində planetdə yaşanacaq problemlər və fəlakətlər sadalanıb və bunun dünyanın sonu ola biləcəyi vurğulanıb.
Xeberal.az
