“BMT-nin Təhlükəsizlik Şurasının (TŞ) daimi üzvləri (Böyük Britaniya, Çin, Rusiya, ABŞ və Fransa) öz səlahiyyətlərinin xeyli hissəsini itiriblər və İsrail, İran və Türkiyə kimi regional oyunçular münaqişənin həllində daha böyük təsirə malikdirlər”.
Bu fikri Dünya İqtisadi Forumunun iclasında BMT-nin baş katibi Antonio Quterreş səsləndirib.
“BMT-nin TŞ-nin 5 daimi üzvü bu gün daha az təsirə malikdir. Etiraf etməlisiniz ki, bu gün baş verənlərə böyük güclərdən daha çox təsir edən orta güclər var. Bu yaxınlarda İsrail, İran, Türkiyə kimi ölkələr üzləşdiyim böhranlarda həftələrlə razılığa gələ biləcəkləri bir mətn üzərində çalışan Təhlükəsizlik Şurasının beş daimi üzvündən qat-qat daha təsirli olduqları məlum oldu”, – deyə o qeyd edib.
Mənbə: TASS
Xeberal.az
