Güneyli siyasi məhbus, hüquq müdafiəçisi və Nobel Sülh Mükafatının qalibi Nərgiz Məhəmmədinin mükafatını aldıqdan sonra ilk məhkəməsi dekabrın 19-da İnqilab Məhkəməsinin 26-cı şöbəsində keçiriləcək.
Bu barədə “Azad İran” “Telegram” kanalı xəbər verib.
Məlumata görə, Nərgiz Məhəmmədi dekabrın 10-da Nobel Sülh Mükafatının verildiyi gün Tehrandakı Evin zindanının idarəsinə çağırılıb və ona mühakimə olunacağı bildirilib.
Qeyd olunub ki, ETTELAAT (Təhlükəsizlik və Kəşfiyyat) Nazirliyinin tələbi ilə siyasi və təhlükəsizlik məsələləri səbəbi ilə onun məhkəmə iclası Tehrandan kənarda keçiriləcək.
Xeberal.az
