Sankt-Peterburqun Pulkovo hava limanında sərnişin təyyarədə bomba ilə bağlı zarafat edib və saxlanılıb.
Məlumata görə, “Pobeda” aviaşirkətinin Sankt-Peterburqdan Ufaya uçan reysinin sərnişinlərindən biri uçuşa az qalmış zarafatla təyyarədə bomba olduğunu bildirib. Həmin şəxs dərhal saxlanılıb, bundan sonra təyyarədə partlayıcı qurğuların olub-olmadığı yoxlanılıb. Təyyarədə bomba aşkarlanmayıb.
Qeyd edək ki, saxlanılan şəxsin motivləri hələlik məlum deyil.
Mənbə: gazeta.ru
Xeberal.az
