ABŞ bu gün – noyabrın 1-də “Minuteman III” qitələrarası ballistik raketini (ICBM) sınaqdan keçirəcək.
Bu barədə Pentaqonun mətbuat katibi Patrik Rayder brifinqdə bildirib.
“Minuteman III” raketi Kaliforniyadakı Vandenberq Hərbi Hava Qüvvələri bazasından buraxılacaq. Bu il bu ICBM-in dördüncü sınaq buraxılışı olacaq. Əvvəllər testlər fevral, aprel və sentyabr aylarında aparılırdı.
“Noyabrın 1-də döyüş başlığı olmadan “Minuteman III” ICBM-in əvvəlcədən planlaşdırılmış sınaq buraxılışı olacaq”, – deyə Rayder bildirib.
O, buraxılışın strateji çəkindirmə sisteminin etibarlılığını nümayiş etdirmək üçün nəzərdə tutulduğunu və eyni zamanda Vaşinqton tərəfindən müttəfiqlərinə zəmanətə dair siqnal rolu oynadığını vurğulayıb.
Mənbə: TASS
Xeberal.az
