Birləşmiş Millətlər Təşkilatının (BMT) Baş katibi Antonio Quterreş jurnalistlərin qorunması ilə bağlı çağırış edib.
Bu barədə BMT Baş katibinin “X” hesabında paylaşım edilib.
BMT Baş katibi bildirib ki, ötən il ən azı 88 jurnalist öz işini yerinə yetirdiyinə görə öldürülüb.
O, hazırda Qəzzadakı müharibənin jurnalistlərə ağır zərbə vurduğunu deyib.
“Yaxın Şərqdəki hazırkı münaqişə jurnalistlərə ağır zərbə vurur.
Bizi məlumatlandıran jurnalistləri müdafiə etmək üçün daha yaxşı təminatlara ehtiyacımız var”, – deyə baş katib bildirib.
Xatırladaq ki, İsrail və HAMAS arasında gedən müharibə və Qəzzanın İsrail hava qüvvələri tərəfindən bombardman edilməsi nəticəsində indiyədək orada ölən jurnalistlərin sayı 30-u keçib.
Last year, at least 88 journalists were killed for doing their jobs.
The current conflict in the Middle East is taking a horrific toll on journalists.
We need better safeguards to defend the journalists who are keeping us informed.
— António Guterres (@antonioguterres) November 1, 2023
Xeberal.az
