HƏMAS yaraqlıları silahlarını yerə qoyandan və girovları azad edəndən sonra Yaxın Şərqdə döyüş fəaliyyətləri bitəcək.
Bunu İsrailin BMT-dəki daimi nümayəndəsi Gilad Erdan deyib.
“Əgər HƏMAS sabah silahlarını yerə qoysa, bütün girovları qaytarsa və təslim olsa, bu müharibə bitə bilər. Niyə HƏMAS-ı buna çağırmırsınız? Niyə bu qətnamənin bir hissəsi olmadı?” – deyə o bildirib.
Erdan Təhlükəsizlik Şurasını qruplaşmanı terror təşkilatı elan etməyə və İsrailin özünümüdafiə haqqını təkcə sözlə dəstəkləməməyə çağırıb. Erdanın sözlərinə görə, HƏMAS-ın məqsədi İsraili məhv etməkdir. O əlavə edib ki, ölkənin təhlükəsizliyi üçün İsrail HƏMAS-ı məhv etməlidir.
“Xərçəngin müalicəsi üçün tək bir həll yolu var. Bu o deməkdir ki, bütün xərçəng hüceyrələri məhv edilməlidir”, – deyə diplomat bildirib.
Mənbə: Vedomosti
Xeberal.az
