Qüdsdə (Yerusəlimdə) yerləşən Hadassah Tibb Mərkəzinin baş direktoru xəstəxananın təmizlik işçilərinin əksəriyyətinin işə çıxmadığını bildirib.
O bu barədə sosial şəbəkələrdə paylaşım edib.
“Təxmin etdiyiniz kimi, xəstəxananın ərəb işçiləri artıq HƏMAS terrorçuları ilə həmrəylik nümayiş etdirirlər. Bununla əlaqədar xəstəxananın təmizlik işləri gecikib”, – deyə o qeyd edib.
Xəstəxananın direktoru əlavə edib ki, yalnız könüllülərdən ibarət “Bnei Akiva” gənclər hərəkatından olan şəxslərin təşəbbüsü ilə xəstəxanada səliqə-sahman yaratmaq mümkün olub.
“Bu videonu da onlar çəkib. Biz birlikdə qalib gələcəyik!” – deyə Tibb Mərkəzinin baş direktoru vurğulayıb.
Xeberal.az