NATO Baş katibi Yens Stoltenberq 2024-cü ildən sonra səlahiyyət müddətinin uzadılmayacağını açıqlayıb.
Stoltenberq bildirib ki, iyulda onun səlahiyyətləri sonuncu dəfə uzadılıb. Onun sözlərinə görə, 30 sentyabr 2023-cü ildə kreslosunu tərk etməli idi.
“Bəli, bu mənim səlahiyyətlərimin sonuncu uzadılmasıdır”, – deyə Stoltenberq qeyd edib.
Xatırladaq ki, NATO üzvü olan ölkələr Stoltenberqin Şimali Atlantika Alyansının rəhbəri kimi səlahiyyətlərini 2024-cü il oktyabrın 1-dək uzadıb. O, 2014-cü ildən bloka rəhbərlik edir və bu artıq dördüncü uzatmadır.
Daha əvvəl Yens Stoltenberq 2023-cü ilin sentyabrından sonra NATO-nun rəhbəri vəzifəsində çalışmaq niyyətində olmadığını bildirib. Lakin son bir il ərzində müttəfiqlər arasında fikir ayrılığı səbəbindən onun yerinə heç kimi tapmaq mümkün olmayıb.
Mənbə: CNN
Xeberal.az
