Səudiyyə Ərəbistanı “Əl-Hilal”ı daha bir ulduz futbolçunun transferini reallaşdırıb.
Klub “Latsio”nun serbiyalı yarımmüdafiəçisi Sergey Milinkoviç-Saviçi heyətinə qatıb. Məlumatı Asiya təmsilçisinin mətbuat xidməti yayıb.
Tərəflər üçillik müqavilə imzalayıblar. Bu transfer ərəblərə 40 milyon avroya başa gəlib. 28 yaşlı futbolçu “Əl-Hilal”da ilinə 20 milyon avro qazanacaq.
Qeyd edək ki, Milinkoviç-Saviç 2015-ci ildən “Latsio”da çıxış edirdi.
Xatırladaq ki, “Əl-Hilal” daha əvvəl “Vulverhempton”dan Ruben Neveş və “Çelsi”dən Kalidu Kulibalini transfer edib.
Suits you, Sergej! 💙🫡#AlHilal 🤩 pic.twitter.com/FOkawKYnKb
— AlHilal Saudi Club (@Alhilal_EN) July 13, 2023
Xeberal.az
