Hindistanın Bihar ştatında son sutka ərzində saxta spirtli içkidən istifadə nəticəsində azı 20 nəfər ölüb, daha 6 nəfər xəstəxanaya yerləşdirilib. Onların vəziyyəti ağırdır.
Məlumata görə, saxta spirtli içkilər Motihari şəhərinə cümə günü gətirilib. Ölənlərin sayının artacağı gözlənilir.
Qeyd edək ki, Bihar 2016-cı ilin aprelində rəsmi olaraq “içkisiz” ştat elan edilib. Burada spirtli içkilərin istehsalı, satışı və istehlakına tam qadağa qoyulub.
Mənbə: TASS
Xeberal.az
