Türkiyənin Ərzincan şəhərində fırtına nəticəsində məscidin minarəsi uçub, bəzi binaların dam örtüyü zədələnib.
Şəhərdə səhər saatlarından başlayan şiddətli fırtına səbəbindən Yunus Əmrə məhəlləsindəki Akşemsettin məscidinin minarəsi səhər namazından sonra bağçaya düşüb. Xoşbəxtlikdən, namaz vaxtı olmadığından xəsarət alan yoxdur.
Fırtınanın şiddətindən məktəb damları uçub, bəzi evlərin dam örtüyünə ziyan dəyib.
Uçan parçaların yoldan keçənlərə zərər verməməsi üçün yolda hərəkət dayandırılıb. Yerə düşən hissələr avtomobilə ziyan vurub.
Mənbə: TRT Haber
Xeberal.az
