Rusiya Federasiyası Dövlət Dumasının Müdafiə Komitəsinin üzvü Viktor Sobolev Ukraynaya müharibə elan etməyə çağırıb.
Bu barədə Rusiya mətbuatında məlumat verilib.
Sobolev bildirib ki, buna artıq çoxdan qərar verilməli idi, çünki Ukrayna ilə bağlı heç bir qırmızı xətt qalmayıb.
“Bizim Ukrayna ilə bağlı hər hansı qırmızı xətlərimiz qalmayıb. Və biz mütləq Ukraynada “xüsusi hərbi əməliyyatı” (Rusiya Federasiyasında müharibəni belə adlandırırlar – UNİAN) dayandırmalı və əsl müharibəyə başlamalıyıq. Bu əsl müharibədə bütün vəsaitlər və kommunikasiya vasitələri, həmçinin silahların çatdırılması vasitələri məhv edilməlidir. Bu, çoxdan edilməli idi”, – deyə Sobolev qeyd edib.
Mənbə: UNİAN
Xeberal.az
