Çərşənbə günü Braziliyanın Rio-de-Janeyro Beynəlxalq Hava Limanının yük terminalında güclü yanğın baş verib.
Bu barədə şəhərin operativ qərargahı məlumat yayıb.
Sosial mediada paylaşılan görüntülərdə hava limanı ərazisindəki binadan qatı qara tüstünün qalxdığı görünür. Yanğının söndürülməsi üçün hadisə yerinə 9 yanğınsöndürmə bölməsinin avtomobilləri və mütəxəssisləri göndərilib. Həlak olanlar və yaralananlar barədə hələlik məlumat yoxdur.
Aeroport normal rejimdə işləyir. Hadisə uçuşların təxirə salınması və ya ləğvi ilə nəticələnməyib.
Mənbə: TASS
Xeberal.az
