Rusiyanın müdafiə naziri Sergey Şoyqu çağırış yaşını 30-a qədər qaldırmaq istəyir. Bununla əlaqədar olaraq “The Insider” araşdırma layihəsinin rusiyalı jurnalisti Sergey Yejov RF Təhlükəsizlik Şurası rəhbərinin müavini Dmitri Medvedevdən oğlu 27 yaşlı İlya Medvedevin müharibəyə gedib-getməyəcəyini soruşub.
“Çağırış yaşı, Şoyqunun dediyi kimi, 30-a çatdırılsa, İlya Dmitriyeviç Medvedev adlı “Vahid Rusiya” partiyasının vəsiqəsinə malik olan bu vətənpərvər vətəndaşın hələ də vətəninə xidmət etmək və ilk gündən müqavilə imzalamaq şansı var. Hərbi komissarlığa ilk gedən o olacaq, elə deyilmi, Dmitri Medvedev?” – deyə Yejov özünün “Twitter” hesabında sual edib.
Rusiyanın eks-prezidenti isə Yejovun sualına cavab verməyib və sosial şəbəkədə onu bloklayıb.
Jurnalist qara siyahıya əlavə olunduğunu təsdiqləyən skrinşot yayımlayıb.
“İnanmayacaqsınız: o məni blokladı”, – deyə Yejov bildirib.
Qeyd edək ki, Rusiyanın müdafiə naziri Sergey Şoyqu dekabrın 21-də nazirliyin kollegiya iclasında çağırışçılar üçün yaş həddinin 18-dən 21-ə, son həddin isə 27-dən 30-a qaldırılmasını təklif edib.
Mənbə: Fokus
Xeberal.az
