ABŞ dövlət katibi Antoni Blinken ölkəsinin Macarıstandakı keçmiş səfiri olan atası Donald Blinkenin vəfat etdiyini açıqlayıb.
Oxu.Az-ın məlumatına görə, bu barədə diplomat özünün “Twitter” hesabında yazıb.
“Mənim ailəm sevgi və ilham mənbəyini – atam Donald Blinkeni itirdi. ABŞ Hərbi Hava Qüvvələrinin üzvü, ABŞ səfiri, Mark Rotko Fondunun prezidenti, Nyu-York Dövlət Universitetinin sədri olan atam öz şəhərinə, ştata və ölkəyə xidmət edirdi”, – deyə o bildirib.
Blinkenin sözlərinə görə, məhz atası onu dövlət qulluğuna ruhlandırıb.
“O, vicdanlı, təvazökar və ləyaqətli həyat sürüb. O, həyat yoldaşı Veranı və ailəsini sevirdi. O, gözəl həyat qurub və mənə bu gözəl həyatı bəxş edib”, – deyə ABŞ dövlət katibi əlavə edib.
Dad inspired me to public service. He lived with decency, dignity and modesty. He loved his wife Vera and his family. He built a wonderful life and gave me a wonderful life. I love you dad.
— Antony Blinken (@ABlinken) September 23, 2022
Xeberal.az
