“Necə olur ki, restoranın qabağında maşını saxlamaq olar, amma aptekin qarşısında saxlayanda cərimə yazılır?”.
Bunu deputat Əli Məsimli Milli Məclisdə keçirilən “Nəqliyyatın idarə edilməsində yeniliklər və çağırışlar” mövzusunda ictimai dinləmədə deyib.
“Bu məsələyə aydınlıq gətirmək lazımdır. Çünki insan çıxılmaz vəziyyətdə ola bilər, buna görə də heç nəyə diqqət etmədən aptekin qarşısında maşını park edə bilər”, – deputat qeyd edib.
Ə.Məsimli Bakıdakı tıxac məsələsinə də toxunub.
O bildirib ki, dövlət hakimiyyət orqanlarının binaları və ali məktəblər daim Bakının mərkəzində olduğu müddətcə paytaxtın yüngülləşdirilməsinin həlli istiqamətində ciddi işlərin görülməsi çətin olacaq.
Ətraflı Baku TV-nin süjetində:
Xeberal.az
