Sumqayıtda avtomobillərin toqquşması piyadanın ölümünə səbəb olub.
“Report”un yerli bürosu xəbər verir ki, Siyəzən rayon sakini 1989-cu il təvəllüdlü Vüsal Rəhman oğlu Xangəldiyevin idarə etdiyi “Ford” markalı avtomobillə Sumqayıt şəhər sakini 1983-cü il təvəllüdlü Elşən Balamirzə oğlu Cəfərovun idarə etdiyi QAZ-31 markalı avtomobil toqquşub.
Qəza zamanı avtomobillərdən biri həmin ərazidən keçən piyadanı vurub. Zərərçəkmiş hadisə yerində dünyasını dəyişib.
Faktla bağlı araşdırma aparılır
Xeberal.az
