Tovuzda yol-nəqliyyat hadisəsi baş verib.
APA-nın məlumatına görə, hadisə rayonun Xatınlı kəndində qeydə alınıb.
Hərəkətdə olan VAZ-21011 markalı minik maşını yol kənarında dayanan “ZİL” markalı yük avtomobilinə çırpılıb.
Qəza zamanı iki nəfər xəsarət alaraq xəstəxanaya yerləşdirilib.
Qeyd edək ki “ZİL” markalı avtomobil “Azərişıq” ASC-yə məxsus olub.
Briqada ötən gün küləyin elektrik enerjisinə vurduğu fəsadları aradan qaldırmaq üçün ərazidə işləyirmiş.
Faktla bağlı araşdırma aparılır.
Xeberal.az
