“2023-cü ildə beş yaşlı uşaqların 87 faizi ümumi təhsildə məktəbəhazırlıq qruplarına cəlb olunub”.
Oxu.Az-ın məlumatına görə, bunu elm və təhsil naziri Emin Əmrullayev ümummilli lider Heydər Əliyevin 100 illik yubileyinə həsr olunmuş Azərbaycan Müəllimlərinin XVI Qurultayında çıxışı zamanı deyib.
Onun sözlərinə görə, 2014-cü ildə 12 min, 2017-ci ildə 82 min, 2023-cü ildə isə 91 min beş yaşlı uşaq ümumi təhsildə məktəbəhazırlıq qruplarına cəlb olunub.
Nazir əlavə edib ki, bir ildən çox məktəbəqədər təhsilə cəlb olunanlar orta hesabla 10% daha yaxşı nəticə göstərir:
“Məktəbəqədər təhsilə qoyulan investisiya üzrə geridönüş digər təhsil pillələrindən 7-10 qat daha çoxdur. Bu da iqtisadiyyatda təxminən 20-30 ildən sonra özünü göstərəcək. İstəyimiz odur ki, heç olmasa hər beş uşaqdan biri məktəbəqədər təhsilə cəlb olunsun”.
İlhamə Əbülfət
Xeberal.az
