Cəlilabad rayonunda evdə yanğın olub, iki nəfər xəsarət alıb.
“Report”un məlumatına görə, hadisə rayonun Buravar kəndində qeydə alınıb.
Yanğın zamanı xəsarət alanlar kənd sakinləri, 1991-ci il təvəllüdlü Tacəddin Cəfərov və qardaşı, 1993-cü il təvəllüdlü Saməddin Cəfərovdur. Hər iki qardaşın üz, boyun, əlləri və aşağı ətrafları yanıb.
Məlumata görə, onlar evdə baş verən yanğını söndürən zaman xəsarət alıblar.
Faktla bağlı araşdırmalar davam etdirilir.
Xeberal.az
